ЖАҢАЛЫҚТАР

Қазақстанда кең ауқымды «Киік» табиғатты қорғау акциясы басталды

2020 жылдың 15 сәуірінен бастап Қазақстанда кең ауқымды «Киік» табиғатты қорғау акциясы басталды, ол 2020 жылдың 15 мамырына дейін жалғасады. Браконьерлікпен күресу, Қазақстан Республикасының аумағында киіктердің браконьерлігіне, олардың дериваттарын, сондай-ақ фаунаның басқа да түрлерін сатуға және өткізуге маманданған ұйымдысқан қылмыстық топтардың қызметін анықтау және жолын кесу жұмыстарын күшейту мақсатында экология, геология және табиғи ресурстар, ішкі істер министрлерінің және Ұлттық қауіпсіздік комитеті төрағасының «Киік» табиғатты қорғау акциясын өткізу туралы» бірлескен бұйрығына қол қойылды. Осы бұйрықпен табиғатты қорғау акциясын өткізу барысында құқық қорғау және табиғатты қорғау органдарының өзара әрекеттесу бойынша Үйлестіру штабының құрамы, сондай-ақ бірлескен іс-қимыл жоспары бекітілді. Бірнеше мобильді топтардан құралған 200 инспектор, 6 блокпост, 64 жоғары өтімді автокөлік, 16 КУНГ, 5 мотоцикл мен пилотсыз ұшу аппараты акция барысында браконьерлікке қарсы рейдтік шараларды ұйымдастыру үшін жұмылдырылды. Аталған шараны «Охотзоопром» ӨБ» РМҚК-ның инспекторлары, ҚР ЭГТРМ Орман шаруашылығы және жануарлар дүниесі комитетінің аумақтық бөлімшелері мен құқық қорғау органдарының мамандары Ақмола, Ақтөбе, Атырау, Жамбыл, Батыс Қазақстан, Шығыс Қазақстан, Қарағанды, Қостанай, Қызылорда, Маңғыстау, Павлодар және Солтүстік Қазақстан облыстарының аумағында өткізеді.
Қазақстанда киіктердің популяциясының саны 334 400 басты құрайды.
Табиғатты қорғау шараларының өткен жылғы нәтижелері көрсеткендей, киіктердің мүйіздеріне заңсыз сұраныс азаймауда.
Мәселен, 2019 жылы киіктерді заңсыз атудың 47 браконьерлік фактісі анықталып, 641 ұша мен 284 киіктің мүйізі тәркіленді. 203 әкімшілік хаттама толтырылып, қылмыстық жазаға 43 заң бұзушы тартылды. Табиғат ресурстарына келтірілген шығын 3,3 млрд теңгені құрады.
2020 жылдың басынан бастап ҚР ЭГТРМ Орман шаруашылығы және жануарлар дүниесі комитетінің инспекторлары киіктерді заңсыз атудың 16 браконьерлік фактісін анықтап, 381 ұша мен 367 киіктің мүйізін тәркіледі. Табиғат ресурстарына келтірілген шығынның сомасы 1,08 млрд теңгені құрады.

Әлеуметтік желіде бөлісу:

Охотзоопром Ақтөбе облысы Шамкир АӨБ қызметкерлерімен бірлесіп

Балобан сұңқарының бір балапаны табылып, тәркіленді. Аталған факті бойынша Қылмыстық кодекстің 339-бабы 1-бөлігі бойынша қылмыстық іс қозғалды

Табиғат қорғау іс-шараларын өткізу

Түркістан облысы Көксарай су қоймасының аумағында табиғатты қорғау іс-шаралары жүргізілуде

Қазақ даласында ақбөкендердің төлдеуі басталды

Ақбөкендер жиналатын және қоныс аударатын жерлерде мамыр айының басынан бастап төлдеу үшін қауіпсіз жағдай жасау бойынша күшейтілген рейдтер басталды

«Охотзоопром» РМҚК Қарттар үйіне қайырымдылық көмек көрсетті

Құрбан айт мерекесі қарсаңында «Охотзоопром» РМҚК Ақтөбе өңірлік филиалының ұжымы қызмет көрсетті

6 дана ақбөкен мүйізі табылды және тәркіленді

20.05.2020 жылы Охотзоопром инспекторлары Ақтөбе облысының табиғат қорғау полициясы қызметкерлерімен бірлесіп Тұлпар маркалы мотоциклді тоқтатты.