"Охотзоопром ӨБ" РМҚК ("Охотзоопром" өндірістік бірлестігі" Республикалық мемлекеттік қазыналық кәсіпорны (бұдан әрі - Кәсіпорын) - Қазақстан Республикасы Экология және табиғи ресурстар министрлігі Орман шаруашылығы және жануарлар дүниесі комитетінің құрылымындағы мамандандырылған ведомстволық бағынысты ұйымы. Оның басты миссиясы- сирек кездесетін және құрып кету қаупі төнген жабайы тұяқты жануарлардың түрлерін (сондай-ақ киіктердің ерекше популяциясын) қорғау, өсімін молайту және есепке алу.
«Охотзоопром ӨБ» РМҚК 1993 жылы құрылды. 30 жылдан астам уақыт ішінде Кәсіпорын Қазақстан Республикасының жануарлар дүниесін қорғау, өсімін молайту және ұтымды пайдалану саласындағы негізгі мемлекеттік ұйымдардың біріне айналды.
Қазақ КСР-де жабайы жануарларды мемлекеттік кәсіпшілік мақсатта пайдалану және олардың санын реттеу жүйесі болған, алайда антропогендік жүктеменің артуына және браконьерлік қаупінің күшеюіне байланысты мамандандырылған құрылым құру қажеттілігі туындады.
«Охотзоопром ӨБ» РМҚК 1993 жылғы 30 наурызда ресми түрде тіркелді.
Бастапқыда бірлестік тек қорғаумен ғана емес, сонымен бірге кәсіптік дамумен де айналысқан (мысалы, киіктердің санын коммерциялық мақсатта реттеу). Алайда 1990-жылдардың соңы мен 2000-жылдардың басында браконьерліктің салдарынан киіктер санының күрт азаюы мемлекеттің басымдықтарын түбегейлі өзгертуге себеп болды. Осыған байланысты «Охотзоопром ӨБ» РМҚК қызметі толықтай қорғау тәртібіне көшірілді.
Бүгінде бұл мемлекеттік инспекцияның негізгі буыны, оның қызметкерлері (инспекторлары) миллиондаған гектар дала мен шөлейттерді күзетіп, қиын дала жағдайында жұмыс істейді.
Кәсіпорынның қызметі биологиялық әртүрлілікті сақтауға және жануарлар дүниесін мемлекет пен келешек ұрпақтың игілігі үшін орнықты пайдалануға бағытталған.
Қазақстанның бірегей биоалуантүрлілігін сақтау, сирек кездесетін және жойылып кету қаупі төнген жабайы жануарлардың түрлерін қорғау және браконьерліктің жолын қатаң кесу арқылы болашақ ұрпақ үшін экологиялық тепе-теңдікті сақтау.
Жабайы жануарларды браконьерліктен және заңсыз айналымнан қорғау, олардың табиғи мекендеу ортасын сақтау.
Сирек кездесетін және жойылып кету қаупі төнген түрлердің санын қалпына келтіру, интродукция және реинтродукция бағдарламаларын жүзеге асыру.
Киіктердің, сирек кездесетін және жойылып кету қаупі төнген жабайы тұяқты жануарлардың санын жыл сайын есепке алу, киіктердің, сирек кездесетін және жойылып кету қаупі төнген жабайы тұяқты жануарлардың жай-күйі туралы деректерді жинау және талдау.
Аңшылық алқаптарын басқару және аңшылық ресурстарын пайдалануды реттеу.
ҚР ІІМ-мен, облыстық орман шаруашылығы және жануарлар дүниесі аумақтық инспекцияларымен бірлескен рейдтік іс-шаралар
Қызметтің ашықтығын және азаматтардың ресми ақпаратқа қол жеткізуін қамтамасыз ету.
Қазақстан Республикасының заңнамасын қатаң сақтау негізінде жұмыс істеу.
Қызметтің ашықтығы және азаматтар үшін ақпараттың қолжетімділігі.
Табиғи ресурстарға ұқыпты қарау және ұзақ мерзімді тұрақтылық
"Охотзоопром ӨБ" РМҚК басқаруды Қазақстан Республикасының заңнамасына сәйкес белгіленген тәртіппен тағайындалған басшы құрам жүзеге асырады. Кәсіпорын басшылары жануарлар дүниесін қорғау, өсімін молайту және ұтымды пайдалану саласындағы мемлекеттік саясатты іске асыруға жауапкершілік артады.
Бас директор
Бас директордың орынбасары
Заместитель генерального директора
Бас директордың орынбасары
Бас директордың орынбасары
«Охотзоопром ӨБ» РМҚК ұйымдық құрылымы функционалдық қағидат бойынша құрылған және жануарлар дүниесін қорғау, есепке алу және мониторингілеу саласындағы міндеттерді іске асыруды қамтамасыз етеді.
Бас директор
Бас директордың орынбасары
Бас директордың орынбасары
Бас директордың орынбасары
Бас директордың орынбасары
Офицер-комплиенс
Кәсіпорынның барлық өңірлік филиалдарының, инспекторлық топтарының, ЕҚТА және ӘБҚ жұмыс сапасына ішкі бақылау, аудит және қадағалау жүргізу.
Кәсіпорынның кадр саясатын әзірлеу, іс қағаздар мен құжаттаманы жүргізу.
Бюджетті жоспарлау, бухгалтерлік есеп жүргізу, Кәсіпорын мүлкін есепке алу, экономикалық жоспарлауды бақылау, шаруашылық қызметті талдау және есептілік.
Тауарларды, жұмыстар мен қызметтерді мемлекеттік сатып алу кезіндегі заңдылықтың сақталуын бақылау.
Қазақы ит тұқымдарын селекциялау және сақтау.
Жабайы жануарларды табиғи мекендеу ортасына тасымалдау, реинтродукциялау, шығару және көшіру.
Кәсіпорындағы барлық техниканы басқару, ұстау және дайындау.
Кәсіпорынның әкімшілік-шаруашылық, техникалық және материалдық қамтамасыз ету.
Аңшылық алқаптарын қорғау, жануарлар дүниесі объектілерінің санын есепке алу, мониторингілеу, өсімін молайту, жануарлар дүниесін пайдалануды бақылау.
Кәсіпорынға бекітілген ерекше қорғалатын табиғи аумақтарда жануарлар дүниесін браконьерліктен қорғау, сирек кездесетін және жойылып кету қаупі төнген жабайы тұяқты жануарларды есепке алу және мониторинг жүргізу.
Қазақстандағы сирек кездесетін және жойылып кету қаупі төнген жабайы тұяқты жануарларды браконьерліктен қорғауды қамтамасыз ету.
Қарулы браконьерлерге қарсы жедел іс-шараларды тұрақты негізде жүргізу.
Кәсіпорын қызметінің заң талаптарына сәйкестігін қамтамасыз ету, кәсіпорынның мүдделерін қорғау, құқықтық сүйемелдеу.
Қызметкерлердің еңбек қауіпсіздігі мен техникалық қауіпсіздік талаптарын сақтауын бақылау.
Нормативтік-құқықтық актілердің жобалары заңды күшіне енген сәтке дейін оларды іске асыру, үйлестіру, басқару және сүйемелдеу.
Кәсіпорын қызметінің өзекті мәселелері бойынша ресми өтініштерді, пресс-релиздер мен хабарламаларды дайындау және тарату, БАҚ-пен өзара іс-қимыл жасау.
«Охотзоопром ӨБ» РМҚК өңірлік филиалдарға бөлінген, олардың әрқайсысы өзіне бекітілген мекендеу аймақтарын күзетеді.
